onda longa

Emprégase na Rexión ITU 1 para a difusión AM, con valores de frecuencias portadoras que son múltiplos exactos de 9 kHz, con valores entre os 153 e 279 kHz, excepto en dúas estacións de Alemaña que operan en 177 e 183 kHz. Algunhas estacións derivan as súas portadoras de reloxos atómicos, posibilitando o seu uso como estándares de frecuencia. O alcance acadado nesta banda é mundial ao se producir a propagación por onda de superficie e refracción ionosférica. Fóra da Rexión 1 (Europa, África, Oriente Medio, Golfo Pérsico, Iraq, Rusia e Mongolia) non existe radiodifusión na banda de onda longa, dedicándose esta a servizos de asistencia á navegación, sistemas de comunicación navais, etc.