Conxunto de dereitos exclusivos garantidos por un goberno ou autoridade ao inventor dun novo produto (material ou inmaterial) susceptible de ser explotado industrialmente para o ben do solicitante da devandita invención (como representante por exemplo) durante un espazo limitado de tempo (xeralmente vinte anos desde a data de solicitude).
Categoría Gramatical:
substantivo feminino (perola)
Sinónimos:
NA
Abreviatura:
NA
Exemplo:
NAInformación complementaria:
Unha das finalidades da lexislación sobre as patentes é a de inducir o inventor a revelar os seus coñecementos para o avance da sociedade a cambio da exclusividade na explotación durante un período limitado de tempo. Esta exclusividade, ou poder cobrar regalías a aqueles que queiran usar, fabricar ou vender o invento é a maneira de compensar o inventor por dar a coñecer o seu invento, procedemento ou método.
As patentes deberían servir para unha difusión efectiva e rápida das novas ideas en tecnoloxía, mellorando o acceso á tecnoloxía.
Moi ao contrario do que no imaxinario popular se relaciona coa palabra "patente", a información contida nas patentes é de natureza pública, en principio calquera pode acceder a esa información, aínda que só o titular a pode usar con fins comerciais.
As regalías tiveron toda a súa razón de ser na Revolución Industrial, pois facilitaron que o dar a coñecer os novos sistemas fose rendible para os seus inventores. Antes das regalías, o inventor intentaría manter oculto o seu invento pois só así tería a vantaxe competitiva que o seu invento lle daba. En calquera caso, dalo a coñecer non lle supoñía nada economicamente.
Actualmente a situación é diferente. Os tempos de explotación pensados para o século XVIII non teñen sentido no XXI. Os tempos de difusión con Internet tampouco teñen nada que ver, e o tipo de inventos en moitos casos teñen máis de descubrimentos (dá conta deles o que primeiro chega) ca de verdadeiros inventos, polo que moitos outros chegarían á mesma conclusión, só que máis tarde. Nestes casos a patente non se fai por dar a coñecer o invento, senón por buscar os beneficios que pode supoñer que tal descubrimento estea patentado.
Ver tamén:
regalía