'Protocolo de Internet', protocolo de comunicación de datos, non orientado a conexión, xa que o emisor non demanda a necesidade de se asegurar que o receptor estea disposto a aceptala, na que os datos se dividen en paquetes ou datagramas; e ademais non fiable, posto que non implementa ningún mecanismo para comprobar se o paquete enviado chegou ao seu destino correctamente, tanto no seu contido coma na orde de chegada respecto os demais datagramas.
Categoría Gramatical:
locución substantiva inglesa que non sexa nome comercial (Christian's expertise)
Sinónimos:
Protocolo de Internet
Abreviatura:
IP
Exemplo:
Instalei os protocolos TCP/IP.Información complementaria:
As cabeceiras de cada datagrama inclúen os enderezos do emisor e do receptor, enderezos que serán empregados polos distintos encamiñadores que atravesen. A versión máis estendida é a IPv4 (enderezos de 32 bits), pero debido á limitación no número de IPs que soporta, na actualidade, estase a migrar á versión IPv6 (enderezos de 128 bits).
