Fórmula matemática que permite pasar dun sinal eléctrico, discreto ou dixital no dominio do tempo ao dominio da frecuencia descompoñéndose nunha suma de sinusoides de diferentes frecuencias o que nos permite analizar como se vai comportar ao pasar por diferentes canles.
Categoría Gramatical:
locución substantiva feminina (axencia de seguros)
Abreviatura:
TF
Exemplo:
A transformada de Fourier debe o seu nome a Joseph Fourier polifacético militar francés que tamén foi político e físico.Información complementaria:
A transformada de Fourier é a máis importante de todas as transformadas empregadas en enxeñaría de telecomunicacións. A descomposición en frecuencias permítenos deseñar sistemas que admiten unha frecuencia e rexeitan outras e modular sinais de xeito que o resultado estea na banda de frecuencias axeitada. Segundo o tipo de sinais a tratar atopamos diferentes formulacións da transformada, aínda que a idea subxacente sempre é a mesma:
- Transformada continua ou analóxica (transformada de Fourier propiamente dita).
- Transformada continua de sinais discretos (DTFT: Discrete Time Fourier Transform).
- Transformada discreta, que é a dixitalización da anterior (DFT: Discrete Fourier Transform).
- Transformada rápida que é unha forma moi eficiente de calcular a DFT (recibe o acrónimo de FFT: Fast Fourier Transform).
Ver tamén:
transformada; espectro; transformada de Fourier discreta