Grao de unión dun módulo.
Categoría Gramatical:
substantivo feminino (perola)
Información complementaria:
Existen seis medidas de cohesión que van desde a máis débil ata a máis forte:
- Casual. Os elementos do módulo manteñen vínculos moi superficiais; por exemplo, seren programados no mesmo mes.
- Lóxica. Os elementos do módulo están relacionados desde o punto de vista do sistema completo pero non en termos reais de software; por exemplo, todos os xestores do dispositivo de saída.
- Temporal. Os elementos do módulo execútanse en momentos similares; por exemplo, as rutinas de arranque.
- Procesual. Os elementos do módulo empréganse na mesma sección do programa; por exemplo os compoñentes da interface de usuario.
- De comunicación. Os elementos do módulo operan sobre a mesma estrutura de datos.
- Funcional. Os elementos do módulo operan conxuntamente para contribuír á execución dunha única función do sistema; por exemplo, proporcionar un sistema de arquivos distribuídos.
Ver tamén:
encapsulamento; acoplamento