vóxel

Utilízase este nome por analoxía cos píxeles e, ao igual que estes, ten propiedades de cor, posición, etc. Procede da contracción do inglés "volumetric pixel". Os vóxeles utilízanse moito en aplicacións de visualización de datos científicos 3D, de imaxes médicas ou en xogos. Por exemplo, nos xogos prefírese a utilización de vóxeles en vez dos mapas de elevación de terreo, xa que estes últimos non permiten a representación de buratos no terreo, coma pontes, túneles ou covas. Nos outros dous casos úsanse porque os datos cos que se traballa se obteñen normalmente por medio de escáneres 3D que proporcionan valores de características para cada posición espacial.