Composto de arsenio e galio (III) que presenta propiedades semicondutoras e que constitúe o substrato principal da tecnoloxía MMIC para a fabricación de circuítos integrados de microondas.
Categoría Gramatical:
locución substantiva masculina (caracol de mar)
Abreviatura:
GaAs
Información complementaria:
As características comparadas deste semicondutor fronte ás do de silicio son: maior mobilidade dos electróns (o que o fai un substrato óptimo para frecuencias de traballo de ata 250 GHz); menor xeración de ruído cando traballa a altas frecuencias; e menores niveis de potencia de funcionamento (que fai que os circuítos en GaAs sexan axeitados para usarse en dispositivos móbiles, como teléfonos celulares, PDAs, etc.).
A súa maior velocidade de conmutación fixo pensar na década de 1980 que substituiría o silicio no campo da microelectrónica sendo ideal para as aplicacións de ordenador. Este proxecto foi liderado polos fabricantes de computadores Cray Computer Corporation, Convex e Alliant para facer fronte aos microprocesadores CMOS, pero fracasaron no seu intento en 1995.
Ver tamén:
circuítos integrados monolíticos de microondas; silicio
