Función matemática que consiste nunha transformada de Fourier truncada, baseada en utilizar versións retardadas e escaladas dunha mesma función base.
Categoría Gramatical:
locución substantiva feminina (axencia de seguros)
Sinónimos:
wavelet
Exemplo:
A transformada wavelet, ás veces, tradúcese como ondiña pero este termo non é universalmente aceptado.Información complementaria:
Aplícase normalmente á compresión de imaxes de "alta frecuencia". En tratamento dixital do sinal emprégase o termo "alta frecuencia" no sentido de cambio brusco de cor. Utilízase nos estándares JPEG2 e en MPEG4. A comezos dos 80 Jean Morlet e Alex Grossmann introduciron o termo francés ondelette que logo foi traducido ao inglés por wavelet, de wave (onda) e o diminutivo let (pequena).
Normalmente a transformada wavelet calcúlase a través da aplicación reiterada de filtros.
Ver tamén:
transformada; transformada de Fourier
