Información extra que se lles engade aos datos binarios para protexelos contra erros de transmisión e de lectura dun soporte magnético ou óptico.
Categoría Gramatical:
locución substantiva masculina (caracol de mar)
Exemplo:
A letra do NIF é un código de redundancia.Información complementaria:
Os códigos correctores calcúlanse a partir dos datos e engádense a estes. Se recibimos/lemos os datos xunto co código, compróbase a corrección matemática. Se coincide, suponse que os datos son correctos (a probabilidade de que varios erros cancelen a comprobación é moi baixa). Se non coincide pódense tomar dúas accións:
- Solicitar retransmisión dos datos (código detector de erros).
- Estudar matematicamente as causas e "corrixir sobre a marcha" tomando a opción máis probable (código corrector de erros).
Case todos os códigos son susceptibles de seren usados como detectores ou correctores. O uso dependerá sobre todo da aplicación:
- As aplicación telemáticas (transferencia de ficheiros, Internet, datos bancarios, etc.) requiren exactitude total e polo tanto códigos correctores.
- Aplicacións multimedia (TV e radio dixitais) requiren corrección sobre a marcha (forward error correction).
Ver tamén:
código corrector; comprobación de redundancia cíclica; redundancia dinámica
