código corrector

No momento en que a comprobación da redundancia non coincide, faise un estudo das posibles causas (bits erróneos) e elíxese a máis probable. Os códigos correctores úsanse en sistemas que pola súa natureza non admiten a solución de detectar o erro e retransmitir os datos, por exemplo: televisión e radio dixitais. Neste caso non ten sentido pedir retransmisión dunha imaxe e representala fóra da súa orde... por iso o código corrector “fai o mellor que pode” e, en calquera caso, o sistema continúa funcionando. O uso de códigos correctores adoita chamarse en inglés Forward Error Correction.